Za palityku asudzili kiraŭnika bujnoj kansałtynhavaj kampanii

Siamionu Złobiču pahražała da 4 hadoŭ.

Siamion Złobič. Fota: civitta.com

Niadaŭna asudžanamu Siamionu Złobiču 41 hod. Jon vučyŭsia ŭ BDU. U jaho jość žonka i niepaŭnaletniaje dzicia.

Siamion doŭhi čas pracuje ŭ kansałtynhu. Joje mieŭ IP u hetaj śfiery, taksama pracavaŭ u kansałtynhavaj kampanii EnterInvest. U 2016-m zasnavaŭ ułasnuju kansałtynhavuju kampaniju — AAT «Stratehija i kapitał», a praź niekalki hadoŭ uznačaliŭ biełaruski filijał kampanii Civitta, u jakoj taksama značycca asacyjavanym partnioram.

Civitta — heta bujnaja kansałtynhavaja kampanija ź litoŭskimi karaniami. Jaje zasnavaŭ były partnior McKinsey — kampanii z tak zvanaj vialikaj kansałtynhavaj trojki (McKinsey, BCG, Bain). Ciapier jana pradstaŭlenaja ŭ 15 krainach, na jaje pracujuć sotni kansultantaŭ i raspracoŭščykaŭ.

Siamion Złobič. Fota: tilda.cc

U Civitta Złobič zajmaŭsia padrychtoŭkaj spravazdač pra inavacyjnyja ekasistemy Biełarusi, stan biełaruskaha fintechu i toje, jak pracujuć biełaruskija startapy. Taksama vystupaŭ ź lekcyjami, u jakich raspaviadaŭ, jak biznes moža ŭkaraniać inavacyi ŭ svaje pracoŭnyja pracesy.

Mužčynu abvinavačvali ŭ «dyskredytacyi Biełarusi» (art. 369-1 KK). U čym sutnaść spravy, nieviadoma. Siamionu pahražali aryšt, abo chimija, albo kałonija — da čatyroch hadoŭ. U śpisie «ekstremistaŭ» paznačana, što jon «adbyvaje pakarańnie» — heta značyć, što čałavieku prysudzili kałoniju abo chimiju z nakiravańniem.

Kamientary da artykuła