U Biełarusi chočuć pastrožyć praviły vydačy pazyk
Hrošy ŭ dalarach źbirajucca dazvolić brać u doŭh tolki ŭ blizkich svajakoŭ.
U Pałatu pradstaŭnikoŭ uniesieny zakonaprajekt, jaki pavinien surjozna źmianić praviły pazyk pamiž hramadzianami, indyvidualnymi pradprymalnikami i arhanizacyjami, paviedamlaje «Anłajnier».
Siarod klučavych źmien:
— zabarona na pazyki ad IP i jurydyčnych asob — jakija nie majuć statusu mikrafinansavaj arhanizacyi, — vyklučeńnie zrobiać tolki dla ŭłasnych rabotnikaŭ;
— nielha budzie pazyčać hrošy ŭ zamiežnaj valucie, kali pazyčalnik i toj, chto daje hrošy, nie źjaŭlajucca blizkimi svajakami;
— pad zabaronu trapiać pazyki pad zakład adzinaha žylla;
— taksama prapanujecca abmiežavać pamier pracentaŭ i niaŭstojek (štrafaŭ i pieniaŭ) pa dahavorach pazyki pamiž fizičnymi asobami;
— u rekłamie zabaraniajecca vykarystoŭvać takija słovy, jak «pazyka», «mikrapazyka», «hrošy ŭ doŭh», kali rekłamadaviec nie źjaŭlajecca mikrafinansavaj arhanizacyjaj.
Zakonaprajekt inicyjavany ŭradam i ciapier znachodzicca na razhladzie ŭ deputackaj pastajannaj kamisii pa biudžecie i finansach. 15 maja jon abmiarkoŭvaŭsia na pašyranym pasiadžeńni z udziełam deputataŭ i pradstaŭnikoŭ profilnych orhanaŭ.