Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu

U Rumynii zavieršany padlik hałasoŭ na vybarach prezidenta krainy. Libieralny mer Bucharesta Nikušor Dan pieramoh u druhim tury. Jon upeŭniena abyšoŭ svajho supiernika — lidara nacyjanalistyčnaj partyi AUR Džordže Simijona, piša Bi-bi-si.

Džordže Simijon. Fota: AP Photo / Vadim Ghirda

Pavodle danych Pastajannaj vybarčaj kamisii Rumynii, Dan atrymaŭ 53,6% hałasoŭ, a Simijon — 46,4%.

Paśla publikacyi danych ekzitpołaŭ, jakija pakazali pieramohu Dana, Simijon zajaviŭ, što nie daviaraje hetym ličbam, i abviaściŭ siabie novym prezidentam, ale paśla źjaŭleńnia aficyjnych vynikaŭ pryznaŭ parazu.

«Ja chaču pavinšavać majho supiernika, Nikušora Dana. Jon vyjhraŭ vybary, i takaja była vola rumynskaha naroda», — skazaŭ Simijon u videa na Facebook i dadaŭ, što maje namier praciahvać «baraćbu za Rumyniju».

Nikušora ŭžo pavinšavaŭ ź pieramohaj prezident Ukrainy Uładzimir Zialenski. «Dla Ukrainy, jak susieda i siabra, važna, kab Rumynija była nadziejnym partnioram. I my ŭpeŭnienyja, što tak i budzie. Supracoŭničajučy, my zmožam zrabić macniejšymi i našy krainy, i našu Jeŭropu», — napisaŭ Zialenski ŭ sietcy X.

Nikušor Dan — prychilnik dapamohi Ukrainie i pahłyblenaj intehracyi Rumynii ŭ Jeŭrapiejski sajuz.

Kamientary da artykuła