Pucin maryć zachapić čatyry vobłaści Ukrainy da kanca hoda
Prezident Rasii Uładzimir Pucin vykazaŭ upeŭnienaść, što da kanca 2025 hoda rasijskija vojski zmohuć poŭnaściu zachapić čatyry vobłaści Ukrainy — Danieckuju, Łuhanskuju, Chiersonskuju i Zaparožskuju.
Pucin budzie budavać pieramovy z prezidentam ZŠA Donaldam Trampam, zychodziačy z hetaj upn'kteŭnienaści, piša Bloomberg.
Adnak, jak adznačaje analityk Mižnarodnaha instytuta stratehičnych daśledavańniaŭ Bien Bary, vierahodnaść poŭnaha zachopu hetych terytoryj da kanca hoda vielmi nizkaja. Jon padkreślivaje, što kali abarona Uzbrojenych sił Ukrainy abryniecca, zachop budzie lohkaj zadačaj, ale na dadzieny momant taki scenar vyhladaje małavierahodnym.
Pieramovy pamiž Pucinym i Trampam praciahvajucca. 18 sakavika 2025 hoda adbyłasia dvuchhadzinnaja telefonnaja razmova, u vyniku jakoj Rasija pahadziłasia na 30-dzionny pierapynak u ŭdarach pa abjektach enierhietyčnaj infrastruktury Ukrainy. Abmiarkoŭvajecca taksama stvareńnie ekśpiertnych hrup dla dalejšaha ŭrehulavańnia kanfliktu.
Płan Pucina pa mirnym urehulavańni kanfliktu ŭklučaje ŭ siabie patrabavańni ab admovie Ukrainy ad ustupleńnia ŭ NATA, vyvadzie ŭkrainskich vojskaŭ z kantralavanych terytoryj i pryznańni Kryma, Danbasa, Chiersona i Zaparožža častkaj Rasii. Ukraina adchiliła hetyja ŭmovy, paličyŭšy ich ultymatumam.
Pieramovy pamiž Rasijaj i Ukrainaj adnavilisia ŭ Stambule 16 maja 2025 hoda paśla bolš čym trochhadovaha pierapynku. U toj ža dzień była zapłanavana novaja telefonnaja razmova pamiž Pucinym i Trampam.
Pakul niama kankretnych vynikaŭ hetych pieramoŭ, i kanflikt praciahvajecca.