Brytanija, Francyja i Kanada pryhrazili Izrailu «kankretnymi dziejańniami»
Premjer-ministry Vialikabrytanii i Kanady, a taksama prezident Francyi ŭ sumiesnaj zajavie pryhrazili Izrailu «kankretnymi dziejańniami», kali toj nie spynić apieracyju ŭ Hazie i nie admienić abmiežavańni na pastaŭki dapamohi, piša Bi-bi-si.
Paleścincy atrymlivajuć ježu na kuchni ŭ Džabalii. Fota: Jehad Alshrafi / AP
Kir Starmier, Mark Karni i Emanuel Makron padkreślivajuć, što zaŭsiody vystupali za prava Izraila na samaabaronu, ale ciapier ličać jaho novaje nastupleńnie na siektar Haza całkam niepraparcyjnym adkazam.
Rašeńnie ž izrailskich uładaŭ prapuskać u siektar tolki minimalna nieabchodnuju kolkaść humanitarnaj dapamohi lidaram Vialikabrytanii, Francyi i Kanady padajecca całkam nieadpaviednym situacyi.
Jakimi mohuć być «kankretnyja dziejańni» hetych krain suprać Izraila, u zajavie nie ŭdakładniajecca.
Premjer-ministr Izraila Bińjamin Nietańjachu nazvaŭ zajavu Starmiera, Makrona i Karni «vialikaj uznaharodaj tym, chto ŭčyniŭ hienacyd 7 kastryčnika 2023 hoda», i zapeŭniŭ, što Izrail budzie vajavać da pieramohi nad CHAMAS.