Jeŭrasajuz vydzieliŭ hrošy na padtrymku «Radyjo Svaboda»

Jeŭrapiejski Sajuz vydzielić 5,5 miljona jeŭra na padtrymku miedyjaprajekta «Radyjo Svaboda». Pra heta paviedamiła kiraŭnica jeŭrapiejskaj dypłamatyi Kaja Kałłas.

Pavodle słoŭ jeŭračynoŭnicy, hetyja srodki pojduć na zabieśpiačeńnie dalejšaj pracy ŚMI ŭ krainach, što miažujuć ź ES, a taksama ŭ rehijonach Paŭnočnaha Kaŭkaza i Centralnaj Azii. Jana padkreśliła, što finansavańnie časovaje, ale Jeŭrasajuz spadziajecca ŭ budučyni damovicca pra doŭhaterminovuju padtrymku.

U sakaviku Kaja Kałas užo padymała pytańnie ab pierachodzie finansavańnia «Radyjo Svaboda» pad apieku Jeŭrasajuza. Heta źviazana z rašeńniem prezidenta ZŠA Donalda Trampa značna skaracić biudžet i štat fiederalnych ahienctvaŭ, uklučajučy Ahientstva ZŠA pa hłabalnych miedyja, praź jakoje raniej išło finansavańnie radyjo.

Kamientary da artykuła