Za apošnija piać hadoŭ u Biełarusi status palitviaźniaŭ atrymali 3940 čałaviek
Za apošnija piać hadoŭ u Biełarusi 3940 čałaviek atrymali status palitviaźniaŭ, paviedamlaje ŭ Dzień salidarnaści z palitviaźniami 21 maja pravaabarončy centr «Viasna». Ź ich 1189 pa-raniejšamu znachodziacca za kratami.
Fota ilustracyjnaje
Bolš za pałovu palitviaźniaŭ, a dakładniej 2716, užo adbyli svaje terminy, a 300 byli pamiłavanyja. Na žal, za piać hadoŭ u turmach pamierli jak minimum vosiem palityčnych źniavolenych.
Ahulnaja kolkaść ludziej, jakija paciarpieli ad kryminalnaha pieraśledu z palityčnych pryčyn, pieravyšaje siem tysiač.
Siarod asudžanych — 114 čałaviek za danaty i 218 za antyvajennyja vykazvańni i padtrymku Ukrainy ŭ kanflikcie z Rasijaj.
Čytajcie taksama:
U Biełaruskaj carkvie ŭ Vilni siońnia buduć malicca za biełaruskich palitviaźniaŭ
Praciahvajecca zbor hrošaj na vakacyi dla dziaciej palitviaźniaŭ. Ale sabrana tolki pałova sumy
U Biełarusi +8 novych palitviaźniaŭ
Cichanoŭskaja: Kožny hod, 21 maja, serca ściskajecca ad bolu