U hałavie skulptury «Radzima-maci kliča!» ŭ Vałhahradzie znajšli trup rektara Akademii fizvychavańnia
Nadzvyčajnaje zdareńnie adbyłosia ranicaj 22 maja na miemaryjalnym kompleksie Mamajeŭ kurhan u rasijskim Vałhahradzie.
Fota: V1.ru
U hałavie skulptury «Radzima-maci kliča!» na Mamajevym kurhanie znajšli trup vysokapastaŭlenaha mužčyny ŭzrostam kala 70 hadoŭ, paviedamiŭ spačatku telehram-kanał v1.ru.
Papiarednie, mužčynie stała drenna padčas ekskursii.
Fota: Mash
Jak potym vyśvietliŭ Mash, pamierły — 68-hadovy Mikałaj Časnakoŭ, rektar Maskoŭskaj dziaržaŭnaj akademii fizičnaj kultury, doktar piedahahičnych navuk, prafiesar. Pavodle papiaredniaj infarmacyi, u jaho adbyŭsia sardečny prystup.
Unutr jon moh trapić padčas nielehalnaj ekskursii.
Pavodle słoŭ miascovych žycharoŭ, takija ekskursii — redkaja i niezakonnaja praktyka. Ale samyja advažnyja dabirajucca mienavita da hałavy. Taksama možna prabracca ŭ mieč, ale znachodzicca tam niebiaśpiečna z-za ruchomaści kanstrukcyi.