Praz try miesiacy paśla źniknieńnia Mielnikavaj KR vystupiła z doŭhačakanaj zajavaj
Kaardynacyjnaja Rada apublikavała zajavu, padrychtavanuju stvoranaj u jaje składzie «Pracoŭnaj hrupaj pa reahavańni i manitorynhu ŭ suviazi sa źniknieńniem śpikierki Kaardynacyjnaj Rady Anžaliki Mielnikavaj».
Anžalika Mielnikava
Nasupierak mahčymym čakańniam, ničoha novaha da razumieńnia situacyi ź Mielnikavaj, pra źniknieńnie jakoj stała viadoma 28 sakavika, hetaja zajava nie dadaje.
U joj kanstatujecca, što:
«Pa stanie na 20 maja 2025 hoda adsutničajuć paćvierdžanyja źviestki ab miescaznachodžańni Anžaliki Mielnikavaj. Z-za niedachopu dokazaŭ i nieadnaznačnaści najaŭnaj infarmacyi niama mahčymaści dakładna vyznačyć, što adbyłosia. Rasśledavańnie praciahvajecca. Nacyjanalnaja prakuratura Polščy ŭzbudziła kryminalnuju spravu pa artykule 189 Kryminalnaha kodeksa Polščy — «Niezakonnaje pazbaŭleńnie voli».
Akramia taho, Kaardynacyjnaja Rada źviartaje ŭvahu na «biesprecedentny cisk, pad jakim pracujuć siabry i siabroŭki KR» i adznačaje, što «nie zdymaje ź siabie kalektyŭnuju adkaznaść za toje, što adbyvajecca ŭ častcy nievykanańnia pratakołaŭ biaśpieki i niedakładnaści ŭ pracesach kiravańnia finansami».
Čytajcie taksama:
Lizavietu Prakopčyk prahnazavana abrali vice-śpikierkaj Kaardynacyjnaj rady
Arciom Bruchan abrany śpikieram Kaardynacyjnaj rady zamiest źnikłaj Anžaliki Mielnikavaj
Martynava: Mielnikavu pačynajuć mazać tvaram ab asfalt. Maja viersija, što jaje ŭžo niama ŭ žyvych
Namieśnica Mielnikavaj pa Kaardynacyjnaj radzie: Pracujem nad adnaŭleńniem davieru z donarami