U Baranavičach piensijanier skraŭ sabaku kala kramy i padaryŭ jaho siabroŭcy
Ramantyka chutka znajšli, a sabaku viarnuli haspadaru.
Fota: milicyja Bresckaj vobłaści
Žychar Baranavičaŭ uviečary pajšoŭ u kramu z sabakam. Jorkšyrskaha terjera jon pa zvyčcy pakinuŭ pryviazanym kala kamier zachoŭvańnia. Ale kali 61-hadovy mužčyna viarnuŭsia z pakupkami, sabaki na miescy nie było.
Jon paprasiŭ achoŭnika kramy pahladzieć videa z kamier. Na zapisie było vyrazna vidać, jak nieviadomy viadzie čužoha sabaku ŭ nieviadomym napramku.
Siłaviki chutka znajšli złodzieja. Im akazaŭsia 66-hadovy žychar Baranavičaŭ. Vyśvietliłasia, što mužčyna skraŭ sabaku i padaryŭ jaje svajoj znajomaj, jakaja žyvie pablizu.
Piensijanier patłumačyŭ, što byŭ vielmi pjany, mabyć, jaho paciahnuła na pryhody. Sabaku chutka viarnuli haspadaru, a na mužčynu zaviali kryminalnuju spravu za kradziež.