Biełaruska stała ŭ Hiermanii aktrysaj i madellu

Biełaruska Darja Birnštyl, jakaja žyvie ŭ Hiermanii, uziała ŭdzieł u zdymkach niamieckaha telesieryjała «Usio, što maje značeńnie», jaki vychodzić na telekanale RTL. Pra heta paviedamlajecca ŭ pres-relizie kanała, piša sajt «Biełaruś i mir».

Darja Birnštyl ź inšym akcioram ź sieryjała Alles was zählt Vitalem Hukam. Fota: RTL

Sieryjał, jaki na niamieckaj movie maje nazvu Alles was zählt, tranślujecca z 2006 hoda, i kolkaść epizodaŭ da ciapierašniaha momantu nabliziłasia da 5 tysiač. Mylnaja opiera raskazvaje pra fihurnaje katańnie i fihurystaŭ, dziejańnie pabudavana vakoł spartyŭnaha centra, jakim vałodaje vydumanaja siamja Štajnkamp.

Naša suajčyńnica zhulała rolu Łary Brant — ambicyjnaj fihurystki, jakaja choča luboj canoj stać uładalnicaj tytuła čempijonki Jeŭropy. Rola zapatrabavała ad aktrysy realnych umieńniaŭ katańnia na lodzie, u tym liku ŭ pary. Jak skazana ŭ pres-relizie, dla hetaha jana treniravałasia da 5 razoŭ na tydzień.

Pa danych z asabistaha sajta Darji Birnštyl, jana naradziłasia ŭ 1994 hodzie ŭ Minsku i maje dziavočaje proźvišča Hryciuk. Vałodaje ruskaj, niamieckaj, anhlijskaj i francuzskaj movami. Zachaplajecca fihurnym katańniem i taekvando.

Z 2014 pa 2017 hady dziaŭčyna prachodziła navučańnie ŭ mižnarodnaj škole dramy i akciorskaha majsterstva ISSA ŭ Miunchienie, atrymaŭšy adpaviedny dypłom.

Z rabot u kino paznačanaja adna z hałoŭnych rolaŭ — Sabiny — u filmie žanru dakumientalnaj dramy «Šery — heta nie koler» (Grau ist keine Farbe), źniataj u 2019 hodzie. Hetaja karcina raskazvaje pra prablemu depresii ŭ padletkaŭ. Prajekt vyklikaŭ vialiki hramadski rezanans, stužku pakazvali ŭ škołach i parłamiencie Bavaryi.

Taksama Darja źniałasia ŭ vialikaj kolkaści telefilmaŭ i rekłamnych rolikaŭ. Akramia taho, vystupała jak fotamadel, źjaŭlałasia ŭ Vogue, Glamour, Cosmopolitan.

Kamientary da artykuła