Unačy adbyłasia pavietranaja ataka na Kijeŭ
Ranicaj 24 maja Dziaržaŭnaja słužba pa nadzvyčajnych situacyjach pakazała nastupstvy varožaj kambinavanaj ataki na Kijeŭ.
U noč na 24 maja Kijeŭ iznoŭ apynuŭsia pad rasijskim abstrełam z prymianieńniem BPŁA i balistyčnych rakiet. Ratavalniki likvidujuć nastupstvy adrazu ŭ niekalkich łakacyjach horada, piša «Ukrainskaja praŭda».
U Sałamianskim rajonie ŭźnik pažar u kvaterach na 4 i 5 pavierchach žyłoha piacipaviarchovaha doma.
Pažar byŭ likvidavany siłami 30 supracoŭnikaŭ i 8 adzinak pažarna-vyratavalnaj i śpiecyjalnaj techniki. Z dapamohaj ratavalnaha kaptura byŭ vyratavany mužčyna, jakoha z papiarednim dyjahnazam — atručeńnie praduktami hareńnia — pieradali miedykam.
U Abałonskim rajonie zaharelisia bałkony ŭ dzieviacipaviarchovym domie na ŭzroŭni 3, 4, 5 i 6 pavierchaŭ.
Ratavalniki evakujavali na śviežaje pavietra troch čałaviek, jašče čaćviora źviarnulisia pa miedycynskuju dapamohu z papiarednim dyjahnazam — vostraja stresavaja reakcyja.
U Śviatošynskim rajonie ŭ adnapaviarchovym niežyłym budynku dla zachoŭvańnia łakafarbavych materyjałaŭ u vyniku rasijskaj ataki taksama adbyŭsia pažar. Raboty praciahvajucca.