Mužčyna ŭ Voranaŭskim rajonie pamior ad ukusu pčoł
Jon sprabavaŭ samastojna źniać roj z dreva.
Niaščaście zdaryłasia 19 maja ŭ vioscy Dajlidki, piša Newgrodno.by.
Piensijanierka vyjaviła roj i paprasiła dapamohi ŭ susiedziaŭ. Jany pasprabavali ŭtylizavać roj u miašok. Pčoły prajavili ahresiju i nanieśli im mnostva ukusaŭ, u vyniku čaho mužčyna i žančyna stracili prytomnaść.
Haspadynia doma vyklikała chutkuju miedycynskuju dapamohu. Pa prybyćci miedyki kanstatavali śmierć mužčyny.
Žančynu ŭdałosia vyratavać, paśla akazańnia pieršaj miedycynskaj dapamohi jaje dastavili ŭ reanimacyjnaje adździaleńnie Voranaŭskaj CRB. Jaje zdaroŭju ničoha nie pahražaje. Roj byŭ źniaty z haliny dreva i źniščany ratavalnikami.
Supracoŭniki RANS nahadvajuć: u vypadku vyjaŭleńnia roju pčoł u hramadskim miescy nielha sprabavać razahnać jaho samastojna, a nieabchodna patelefanavać u ekstranuju słužbu pa numary 101.