U Minsku znajšli na vulicy niezvyčajnaha pavuka
U Minsku na vulicy Jana Čačota dvoje padletkaŭ zaŭvažyli niezvyčajnaha pavuka, jaki nie charakterny dla Biełarusi. Kab paźbiehnuć niepryjemnaściej, jany nie stali čapać jaho i vyklikali supracoŭnikaŭ MNS, piša ahienctva «Minsk-Naviny».
Ratavalniki zabrali pavuka i źmiaścili jaho ŭ biaśpiečnyja ŭmovy. Dakładny jaho vid pakul nie vyznačany, ale vonkava jon nahadvaje pavukoŭ z rodu Lasiodora, jakija žyvuć u Paŭdniovaj Amierycy. Takija pavuki dla čałavieka niebiaśpieki nie stvarajuć.
U MNS paviedamili, što doŭha trymać pavuka ŭ siabie nie zmohuć, tamu ciapier čakajuć jaho haspadara ŭ pažarna-vyratavalnaj čaści № 35 Maskoŭskaha rajona. U toj ža čas užo źjavilisia minčuki, hatovyja zabrać pavuka da siabie.
Čytajcie taksama:
U Śvietłahorskim rajonie złavili tarantuła
U Dźvinie zavialisia mieduzy, a ŭ minskim vadajomie — amierykanskija pałasatyja raki
Terapieŭt, administratar, zorka: u vietklinicy pad Minskam žyvie i pracuje niezvyčajny kot