Bitkojn vs zołata: chto zarabiŭ bolš, kali kupiŭ ich hod tamu?
Zaŭsiody cikava viedać, jakija inviestycyi apraŭdvajuć siabie i prynosiać vyhadu. My ź cikavaściu vyvučajem prahnozy, ale redka praviarajem čakańni i realnyja dachody. U hetym artykule Myfin.by raźbirajecca na prykładzie zołata i bitkojna, što varta było kuplać hod tamu, a mienavita ŭ mai 2024 hoda.
Fota: vecteezy.com
Što adbyvałasia ź bitkojnam
Na praciahu hoda bitkojn ros, ale nieraŭnamierna pa niekalkich roznych pryčynach.
Pieršym šturškom da rostu byŭ chałvinh u krasaviku 2024 hoda. U miežach hetaj padziei ŭznaharoda za stvareńnie novych bitkojnaŭ źmienšyłasia ŭ 2 razy. Tak byvaje kožnyja 4 hady, i, jak i ŭ papiarednich vypadkach, spracavaŭ čakany ałharytm:
Padzieńnie prybytku ad majninhu źmienšyła prapanovu novych maniet.
Padzieńnie prapanovy vyklikała deficyt.
Deficyt stymulavaŭ rost ceny bitkojna.
Tak (navat jašče macniej) bitkojn ros i paśla minułych chałvinhaŭ. Paŭtaryłasia heta ŭ mai i letam 2024 hoda. Adbyłosia try skački kursu, da vieraśnia 2024-ha bitkojn tarhavaŭsia ŭžo kala $64 000.
Zatym byŭ «faktar Trampa 2024». Kali pieradvybarčyja apytańni pakazali, što Tramp vidavočna vyryvajecca napierad, tradycyjnyja fondavyja rynki źniervavalisia, a kryptavalutnyja abnadzieilisia, bo Tramp viersii 2.0 — viadomy kryptaentuzijast. Užo ŭ vieraśni bitkojn testavaŭ adznaku ŭ $70 000.
Sapraŭdny ryvok adbyŭsia ŭ listapadzie 2024 hoda, paśla pieramohi Trampa. Cana bitkojna adrazu padskočyła da $76 999, a da kanca 2024 hoda pieraadoleła adznaku ŭ $93 500. Heta byŭ užo nie prosta skačok, a vidavočny trend rostu. U pačatku 2025 hoda, paśla nievialikaj karekcyi, bitkojn znoŭ pačaŭ raści i ŭ mai stabilna zamacavaŭsia vyšej za psichałahična važnuju adznaku ŭ $100 000.
Hrafik: myfin.by
Adnak, akramia pradkazalnych nastupstvaŭ chałvinhu i pieramohi Trampa, u bitkojna byli i inšyja faktary rostu: tradycyjnyja finansavyja instytuty, biržy, rynki pryznali bitkojn lehitymnym aktyvam. Kryptavaluta nie atrymała status zvyčajnych valut, jana nie staić naroŭni z akcyjami, ablihacyjami i inšymi materyjalna zabiaśpiečanymi aktyvami, ale bitkojn ciapier tarhujecca na biržach. Jon staŭ dastupniej dla bujnych inviestaraŭ.
U studzieni 2024 hoda ŭ ZŠA ŭpieršyniu dazvolili śpiecyjalnyja biržavyja fondy (tak zvanyja spotavyja bitkojn-ETF), jakija naŭprost kuplajuć i zachoŭvajuć bitkojn. Ciapier bujnyja kampanii i fondy mohuć układvacca ŭ bitkojn amal hetak ža prosta, jak u akcyi abo zołata, — praz zvyčajnuju, salidnuju i zrazumiełuju fondavu biržu.
Da siaredziny 2024 hoda takija finansavyja hihanty, jak BlackRock i Fidelity, užo zapuścili svaje bitkojn-fondy. Śpiecyjalisty zajaŭlali: «Bitkojn prajaviŭ chiedžavalnyja ŭłaścivaści padčas hieapalityčnaj napružanaści i zakłapočanaści stanam dziaržaŭnaha doŭhu i deficytam biudžetu ZŠA». U pierakładzie ź biržavoha na ahulnaŭžyvalny heta značyć, što bitkojn staŭ prytułkam dla kapitałaŭ, i kali raniej pry niestabilnaści hrošy ŭkładali ŭ zołata, dziaržaŭnyja ablihacyi i niekatoryja asabliva nadziejnyja akcyi, to ciapier jašče i ŭ bitkojn.
Dla bitkojna spracavaŭ efiekt FOMO — strach upuščanaj vyhady. Pa miery rostu hetaj krypty ŭsio bolš inviestaraŭ uklučałasia ŭ honku, bajučysia prapuścić patencyjnuju prybytak. A patencyjał rostu bitkojna jak alternatyvy tradycyjnym prytułkam vialiki — ahulny abjom układańniaŭ u hetuju kryptavalutu značna mienšy za inviestycyi, naprykład, u zołata.
Zołata: pavolna i ŭpeŭniena da rekordaŭ
Zołata išło ŭ tym ža napramku, ale ź inšaj chutkaściu i zusim pa inšych pryčynach. U mai 2024 hoda jano tarhavałasia ŭ dyjapazonie ad $2300 da $2400 za ŭncyju, to bok pakazvała adnosnuju stabilnaść. 20 maja 2024 hoda zołata dasiahnuła łakalnaha piku ŭ $2435. Skačok adbyŭsia da kanca kastryčnika 2024 hoda, kali zołata ŭstanaviła novy histaryčny maksimum u $2786 za trojskuju ŭncyju. Rost praciahvaŭsia i dalej: u krasaviku 2025 hoda zafiksavany absalutny rekord — $3500 za uncyju.
Potym prajšła karekcyja prykładna na 10%. Ale, niahledziačy na hetaje źnižeńnie, ahulny hadavy pryrost skłaŭ paradku 35%.
Hrafik: economies.com
Zołata ŭ źlitkach na biełaruskim rynku pakazała mienšuju dachodnaść, ale ahulnaja tendencyja tut taksama aktualnaja — ceny źlitkaŭ u bankach zaležać ad suśvietnych cen zołata.
Hrafik: myfin.by
Ciapier pra klučavyja faktary rostu zołata. U 2024—2025 hadach zołata aktyŭna kuplali centralnyja banki, asabliva z krain z ekanomikaj, što raźvivajecca, kab dyviersifikavać svaje reziervy i źnizić zaležnaść ad dołara ZŠA.
Spracavała tradycyjnaja abarončaja funkcyja — u pieryjady ekanamičnaj niavyznačanaści mienavita zołata ŭsprymajecca jak «cichaja havań».
Asobnaj stabilnaści ŭ suśvietnaj ekanomicy nie było i ŭ minułyja hady. Ale kali Ukraina, Blizki Uschod, Tajvań ujaŭlalisia kamuści łakalnymi prablemami, to z pačatkam «taryfnaj vajny» viartańnia da minułaha ŭžo nichto nie čakaje. Inviestary šukajuć, kudy ŭkłaści kapitały.
Tolki ličby
Adlikovym pieryjadam voźmiem 1 hod, to bok pieryjad z 14 maja 2024-ha pa 14 maja 2025 hoda.
Pačatkovyja i kančatkovyja ličby vyjšli takija:
Bitkojn (BTC/USD):
14 maja 2024 h. — $61 580.
14 maja 2025 h. — $104 077.
Rost +69%.
Zołata (USD za uncyju, suśvietny rynak):
14 maja 2024 h. — $2357.
14 maja 2025 h. —$3185.
Rost +35%.
Zołata ŭ źlitkach pa 100 hramaŭ (ceny ŭ bankach RB):
Maj 2024 h.: Br26 900.
Maj 2025 h.: Br32 570.
Rost: +21%.
Adrazu vidać: dachodnaść bitkojna za hod akazałasia ŭ 2 razy vyšej za zołata pa suśvietnych cenach i ŭ 3 razy vyhadniej za ŭkładańni ŭ źlitki. Ale dla lepšaha razumieńnia pahladzim, jak i čamu źmianialisia ceny hetych aktyvaŭ na praciahu hoda.
Pra adroźnieńni zołata i bitkojna. Što ŭ vyniku?
Nielha raić, u što inviestavać u 2025 hodzie: u zołata, bitkojn ci ŭ fan-tokieny «Barsiełony». My nie viedajem budučyni, jak nichto dakładna nie viedaŭ hod tamu ŭsiaho napisanaha vyšej. Ale raspaviadziem niešta dakładna viadomaje pra sučasnaść i minułaje.
Voś klučavyja adroźnieńni pamiž zołatam i bitkojnam.
Adnačasovy rost bitkojna i zołata ciapier vyhladaje nie vypadkovaściu, a paćviardžeńniem prablem suśvietnaj ekanomiki, kali hrošaj pa-raniejšamu zanadta šmat, a harantavana dachodnych aktyvaŭ i stabilnaści zanadta mała.
Vidavočna, pravilnym budzie nie pytańnie: «Zołata ci bitkojn?», a aptymalnaje spałučeńnie vyhod i ryzyk taho i druhoha.
Jak praviła, zołata rajać vybirać tym, chto nie žadaje ryzykavać, płanuje na dziesiacihodździ napierad i choča zastrachavacca ad kryzisaŭ.
Bitkojn cikavy tym, chto hatovy ryzyknuć dziela vialikaha prybytku, vieryć u technałohii i inviestuje «lišnija» hrošy, strata jakich nie stanie trahiedyjaj.
U lubym vypadku ciapier navat kansiervataram maje sens dadać 5—10% bitkojna ŭ partfiel, a ryzykoŭnym inviestaram — trymać 20—30% u zołacie dla bałansu.