Kiroŭcy z 25 maja pavinny ŭklučać fary dniom
Z 25 maja kiroŭcy ŭ Biełarusi abaviazany ŭklučać blizkaje śviatło far navat udzień. Heta patrabavańnie źviazana z praviadzieńniem tradycyjnaj akcyi «Uvaha — dzieci!», jakaja projdzie da 5 červienia.
Meta mierapryjemstva — pavysić biaśpieku dziaciej na darohach pierad letnimi kanikułami i praduchilić darožna-transpartnyja zdareńni z udziełam junych piešachodaŭ.
Kiroŭcaŭ zaklikajuć być asabliva ŭvažlivymi kala škoł, dziciačych sadoŭ, prypynkaŭ i ŭ dvarach, a taksama stroha vykonvać chutkasny režym i praviły pieravozki dziaciej.
Za jazdu biez uklučanych far u hety pieryjad praduhledžvajecca papiaredžańnie abo štraf da troch bazavych vieličyń (da 126 rubloŭ).
Takoje ž praviła budzie dziejničać i ŭvosień pierad pačatkam novaha navučalnaha hoda.