U dronie, što prylacieŭ va Ukrainu, znajšli zapisku z namiokam na źmienu taktyki udaraŭ
Jaje moh pakinuć rasijski inžynier, jaki spačuvaje ŭkraincam.
Ukrainskija inžyniery zajavili, što znajšli zapisku ŭ rasijskim dronie, jaki atakavaŭ krainu — u joj havaryłasia pra novuju schiemu kiravańnia bieśpiłotnikami. Pra heta piša The Economist.
U zapiscy byŭ namiok na toje, što rasijskija bieśpiłotniki ciapier kantralujucca z dapamohaj telehram-botaŭ. Hetyja boty ŭ režymie realnaha času adpraŭlajuć apierataram danyja ab palocie i videasihnał.
The Economist piša, što zapisku, mierkavana, pakinuŭ «spačuvajučy Ukrainie rasijski inžynier».
Ukrainskija inžyniery taksama adznačajuć, što apošnija madeli bieśpiłotnikaŭ Shahed, jakija vykarystoŭvaje Rasija, bolš «nie bajacca» sistem radyjoelektronnaj baraćby (REB). Hetyja drony ciapier kirujucca štučnym intelektam i, u tym liku, vykarystoŭvajuć ukrainskuju mabilnuju sietku.