Vyjechaŭ ź Biełarusi były palitviazień Andrej Čapiuk
Kiraŭnik Fondu salidarnaści «Bajsoł» Andrej Stryžak paviedamiŭ, što ź Biełarusi evakujavany były palitźniavoleny Andrej Čapiuk — vałancior «Viasny», jaki pravioŭ za kratami 4 z pałovaj hady.
Andrej Čapiuk
Anarchista Andreja Čapiuka, jaki kaliści byŭ vałancioram «Viasny», u 2020-m zatrymali ŭ pieršaj chvali — jašče ŭ kastryčniku, razam z Marfaj Rabkovaj.
Jon znachodziŭsia za kratami z kastryčnika 2020 hoda i adbyŭ tam całkam pryznačany termin — 5 hadoŭ i 9 miesiacaŭ, choć niepasredna za kratami byŭ 4 z pałovaj hady.
Taki pieralik adbyŭsia za košt biaskonca doŭhaha ŭtrymańnia ŭ SIZA — Čapiuka asudzili tolki praz dva z pałovaj hady.
Paśla vyzvaleńnia 18 krasavika jaho adrazu zatrymali hubazikaŭcy i ŭ kajdankach kudyści pavieźli. Dumałasia, što jamu, jak časta vodzicca, dadaduć novy termin, ale, jak paśla vyśvietliłasia, uviečary jaho ŭsio ž adpuścili.
Ciapier dla pieršapačatkovych patreb Andreja Čapiuka za miažoj Fondam salidarnaści «Bajsoł» abjaŭleny zbor.
Čytajcie taksama:
Palitviazień Andrej Čapiuk paśla dopytu ŭsio ž trapiŭ dadomu
Palitźniavoleny Andrej Čapiuk skončyŭ adbyvać svoj termin — jaho vyvieli z kałonii ŭ kajdankach
Vałanciora «Viasny» Andreja Čapiuka źmiaścili ŭ ŠIZA za dzień da spatkańnia z baćkami