Minčanka pa prośbie ŭviała čužy Apple ID na svaim ajfonie, i joj zabłakavali ŭsie hadžety
23-hadovaja minčanka adhuknułasia ŭ adnym z telehram-čataŭ na prośbu dapamahčy adkryć fatahrafii z adpačynku, jakija znachodzilisia ŭ vobłaku, raspavioŭ telehram-kanał Milicyja Minska.
Dziaŭčyna była ŭ telehram-čacie, dzie błohiery razmaŭlajuć i dzielacca paradami. U hetym čacie i napisała karystalnica z prośbaj ab dapamozie. 23-hadovaja minčanka pahadziłasia vyručyć nieznajomku. Jana ŭviała danyja ad čužoha akaŭnta Apple ID na svaim ajfonie, ale nieŭzabavie zaŭvažyła, što jon zabłakavany. Paśla hetaha dziaŭčyna zajšła ŭ Telegram ź inšaj pryłady i ŭbačyła tam paviedamleńnie z patrabavańniem zapłacić 1100 rubloŭ za razbłakiroŭku smartfona.
Minčanka pieraličyła hrošy, adnak paśla hetaha vymahalniki zapatrabavali jašče 1400 rubloŭ za razbłakiroŭku smart-hadzińnika, jaki taksama byŭ pryviazany da jaje akaŭnta. Druhi raz pieraličvać hrošy dziaŭčyna admoviłasia, paśla čaho ašukancy zabłakavali ŭsie jaje hadžety, uklučyŭšy režym straty.
Zaviedzienaja kryminalnaja sprava za vymahalnictva.