Pasoł Biełarusi ŭ Turcyi abvierhnuŭ infarmacyju pra źniknieńnie biełaruski z małym synam
Biełaruskija konsulskija słužby svabodna kantaktujuć z Nadziejaj Puryhinaj, jakaja palacieła z synam na adpačynak u Turcyju, paviedamiŭ «Sputniku» Anatol Hłaz, kamientujučy infarmacyju, što žančyna nibyta nie vychodzić na suviaź.
Takoje paviedamleńnie było raźmieščana na minułym tydni
«Takoj prablemy niama, jak niama i aficyjnych zvarotaŭ pa hetaj temie ŭ MZS abo pasolstva Biełarusi ŭ Turcyi», — skazaŭ jon.
«Našy konsulskija słužby svabodna kantaktujuć z ukazanaj hramadziankaj, ažyćciaŭlajuć konsulskija dziejańni, jana spakojna znachodzicca na terytoryi Turcyi, padtrymlivaje suviaź sa svaimi blizkimi i svajakami», — dadaŭ Anatol Hłaz.
U kancy minułaha tydnia atrad «Anioł» paviedamiŭ pra źniknieńnie ŭ Turcyi Nadziei Puryhinaj i jaje piacihadovaha syna. Aryjenciroŭku na biełarusku i chłopčyka taksama raźmiaściła minskaja milicyja.