Rabotniki MNS vyratavali na pažary sabaku i kata, a potym zrabili im štučnaje dychańnie
U aŭtorak staličnym ratavalnikam ad susiedziaŭ pastupiła paviedamleńnie pra mocny dym z kvatery pa praśpiekcie Rakasoŭskaha, 147, adkul danosiŭsia hučny brech sabaki. Da miesca vykliku apieratyŭna vyjechali padraździaleńni MNS.
Na miescy vyśvietliłasia, što ŭ kvatery na druhim paviersie pažar. Dźviery ŭ žyllo byli začynieny. U kvatery rospačna brachaŭ sabaka i prasiŭ dapamohi.
Fota: MNS
Ratavalniki ŭzłamali dźviery i znajšli napužanych čaćvieranohich — sabaku i kata, jakija apynulisia ŭ pastcy z-za dymu i ahniu. Ratavalniki chutka vynieśli paciarpiełych hadavancaŭ na śviežaje pavietra i pačali reanimavać ich z dapamohaj aparataŭ na ścisnutym pavietry. Ciapier žyvioły adčuvajuć siabie lepš.
Fota: MNS
Paźniej vyśvietliłasia, što ŭ kvatery zaharełasia kanapa, u vyniku čaho paškodžana majomaść i zakopčany ścieny žylla. Pryčyna zdareńnia ŭstanaŭlivajecca.