Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym
Z pačatku 2025 hoda kala 175 tysiač rasijan padpisali kantrakt ź Ministerstvam abarony dla ŭdziełu ŭ vajnie suprać Ukrainy. Pra heta paviedamiŭ namieśnik kiraŭnika Rady biaśpieki Rasii Dźmitryj Miadźviedzieŭ na śpiecyjalnaj naradzie. Jašče 14 tysiač čałaviek nibyta dałučylisia da dobraachvotnickich padraździaleńniaŭ.
Dźmitryj Miadźviedzieŭ. Fota: AP
Hetyja ličby značna adroźnivajucca ad tych, što raniej nazvaŭ Uładzimir Pucin. Niadaŭna jon kazaŭ, što štomiesiac padpisvajuć kantrakty 50—60 tysiač dobraachvotnikaŭ. Kali dapuścić, što taki nabor išoŭ z pačatku hoda, to na froncie pavinna być užo 250—300 tysiač čałaviek.
Heta ŭžo nie pieršy raz, kali ličby, nazvanyja Pucinym i Miadźviedzievym, nie supadajuć, nahadvaje The Moscow Times. Naprykład, Pucin kazaŭ, što ŭ 2023 hodzie kantrakt padpisali bolš za 300 tysiač čałaviek, a Miadźviedzieŭ — pra 420 tysiač plus jašče 80 tysiač dobraachvotnikaŭ. Tolki ŭ 2024 hodzie ich acenki byli blizkija: kala 430—450 tysiač.
Čytajcie taksama:
Pucin zajaviŭ pra amal dvuchrazovy rost kolkaści achvotnych adpravicca na vajnu va Ukrainu
Śpiecpradstaŭnik Trampa adkazaŭ Miadźviedzievu: Zajava nie adpaviadaje statusu suśvietnaj dziaržavy
Miadźviedzieŭ pryhraziŭ Trampu Treciaj suśvietnaj vajnoj
Miadźviedzieŭ maryć pieratvaryć u bufiernuju zonu ŭsiu Ukrainu