Hiermanija zakuplaje ŭsio bolš biełaruskich azotnych uhnajeńniaŭ. Za try hady rost u 120 razoŭ

Z pačatku 2025 hoda Hiermanija impartavała ź Biełarusi azotnych uhnajeńniaŭ na 1,3 miljona jeŭra — stolki ž, kolki i za ŭvieś 2024 hod. Pra heta śviedčać danyja Ministerstva sielskaj haspadarki Hiermanii, jakija atrymała Deutsche Welle.

Biełaruskaje pradpryjemstva «Hrodna-Azot». Fota: azot.by

Usiaho z pačatku 2025 hoda ŭ Hiermaniju pastavili 3168,9 tony azotnych uhnajeńniaŭ ź Biełarusi. U 2024 hodzie hety pakazčyk skłaŭ 3275,1 tony, taksama na sumu 1,3 miljona jeŭra. U 2023 hodzie pastaŭki byli mienšyja — 2533,6 tony na 830 tysiač jeŭra, a ŭ 2022 hodzie — usiaho 26,4 tony na 19 tysiač jeŭra.

Takim čynam, z 2022 hoda impart biełaruskich azotnych uhnajeńniaŭ u Hiermaniju vyras u 120 razoŭ. Ale dola Biełarusi ŭ ahulnym abjomie takoha impartu ŭ Hiermaniju za 2025 hod składaje tolki 0,3%.

U toj ža čas pastaŭki kalijnych uhnajeńniaŭ ź Biełarusi całkam spynilisia jašče z 2022 hoda z-za siektaralnych sankcyj ES, uviedzienych u červieni 2021 hoda.

Płanujecca, što ŭ Jeŭrasajuzie ŭviaduć novyja mytnyja pošliny na ŭhnajeńni ź Biełarusi i Rasii — 6,5% plus dadatkovyja zbory pa 40—45 jeŭra za tonu ŭ 2025—2026 hadach. Da 2028 hoda hetyja zbory mohuć uzraści da 430 jeŭra za tonu.

Pavodle krynicy Deutsche Welle, hałasavańnie pa hetym pytańni ŭ Radzie ES adbudziecca ŭ červieni, a novyja pošliny mohuć ustupić u siłu ŭžo z 1 lipienia.

Kamientary da artykuła