U Barysavie prapanavali pravieści dyskateku ŭ navušnikach. Ci hatovyja haradžanie tancavać u cišyni?
U Barysavie mohuć źjavicca «cichija viečarynki» — tancy pad muzyku ŭ biespravadnych navušnikach. Aparatura jość, adpaviednaje miesca znojdziena, i navat rajonnyja ŭłady vysłuchali ideju i abiacali padumać. A voś ci hatovyja sami haradžanie tancavać u cišyni? Ex-press.by sabraŭ mierkavańni biełarusaŭ, jakija ŭžo sutykalisia z takim farmatam u Jeŭropie i ZŠA.
Fota ilustracyjnaje
Barysaŭski błohier Kirył Piatroŭ prapanavaŭ pravieści ŭ horadzie niezvyčajnyja viečarynki — tak zvanyja «cichija dyskateki», dzie kožny ŭdzielnik słuchaje muzyku ŭ biespravadnych navušnikach. Aparatura ŭ jaho jość, miesca jon taksama znajšoŭ — plaž z padklučanaj elektryčnaściu ad byłoj kaviarni.
Prapanova błohiera zacikaviła staršyniu Barysaŭskaha rajvykankama Mikałaja Karpoviča. Jon uziaŭ prajekt «na zamietku» i paabiacaŭ razabracca, ci možna realizavać takuju ideju na praktycy.
Dumki ž ciapierašnich i byłych haradžan u hetym pytańni razychodziacca. Adnyja — u zachapleńni: «Nikomu nie pieraškadžaješ, a sam kajfuješ». Inšyja — skieptyčnyja: «Dziŭna, kali ŭsie vakoł maŭčać i trasucca».
Volha, 34 hady, Vilnia:
«Cha-cha… Kali b takoje było ŭ nas u Žodzinie dziesiać hadoŭ tamu — ja b nivodnaj nie prapuściła. Kali pierajechała ŭ Litvu, upieršyniu trapiła na «cichuju dyskateku» ŭ Vilni. Spačatku było dziŭna: ludzi tančać, a muzyka — tolki ŭ vušach. Ale praz paru chvilin uciahvaješsia — vybiraješ kanał z ulubionym stylem, i ŭsio, ty ŭ svaim rytmie. A hałoŭnaje — nikomu nie pieraškadžaješ».
Arciom, 40 hadoŭ, Varšava:
«Heta dakładna nie majo. Ja i ŭ zvyčajnych kłubach adčuvaŭ siabie nie ŭ svajoj talercy. Ja rodam z Barysava, ale žyvu ŭ Polščy ŭžo treci hod. Hladžu na hetyja «cichija dyskateki» i nie razumieju: kožny ŭ svaich navušnikach… I nie bajacca vyhladać śmiešna. Ale heta Jeŭropa, tut ludzi volnyja, nie ahladajucca, što skažuć. Žyvuć i atrymlivajuć asałodu».
Naścia, Praha:
«U Prazie ja ŭžo była na troch «cichich» viečarynkach. Heta dziŭny vopyt! Možna pieraklučacca pamiž stylami — tancavać pad techna, a praz chvilinu — pad rep ci dyska. Dla intraviertaŭ, jak ja, heta sapraŭdny padarunak: ty jak by i ŭ kampanii, ale bieź cisku. U Barysavie, spadziajusia, ułady nie stanuć tarmazić i chacia b dazvolać pasprabavać».
Valeryja, 29 hadoŭ, Tbilisi:
«U nas u Tbilisi sprabavali zrabić padobnaje, ale publika nie zusim zrazumieła farmat. Niekatoryja pryjšli prosta pahladzieć, inšyja — pastajać i pajści. Ale ŭ vyniku, kali sabralisia aktyŭnyja chłopcy i dziaŭčaty, stała viesieła».
Śviatłana, Ryha:
«Heta prydumana razumnymi ludźmi — muzyka ŭ vušach, a susiedzi spakojna śpiać. Kali ja tolki pryjechała ŭ Ryhu, dziviłasia: jak jany ŭmudrajucca ładzić viečaryny prosta ŭ parku, i pry hetym — cišynia. I nichto nikomu nie pieraškadžaje. Taki farmat idealna padychodzić dla dvaroŭ, dzie pobač šmat pažyłych ludziej abo baćkoŭ z maleńkimi dziećmi. U Barysavie stolki novych rajonaŭ, dzie skardziacca na šum pa načach. A tut — tancuj choć da ranicy, i cišynia vakoł. Hienijalna!»
Taćciana, 60 hadoŭ, žyvie ŭ Italii, rodam z Barysava:
«Ja b sama, viadoma, nie pajšła, ale ideja razumnaja. U našym uzroście ŭžo nie da dyskatek, ale zadumka spadabałasia. U Italii takoje pravodziać navat u škołach abo na dachach damoŭ — kab nie parušać paradak. Kali maładym chočacca patančyć — čamu b nie zrabić heta cyvilizavana? U Barysavie nie ŭsie aceniać, viadoma, pryvykli da «pahučniej».
Kirył, 23 hady, Ńju-Jork:
«U Ńju-Jorku takaja dyskateka — nie dziva. U nas ź siabrami była viečarynka na dachu doma. Kali b nie navušniki — susiedzi vyklikali b palicyju praz 15 chvilin. Barysavu varta pasprabavać. Asabliva ŭ tych miescach, dzie i tak šmat šumu — tak budzie choć adna kulturnaja padzieja biez kanfliktaŭ. I dla ludziej mahčymaść adpačyć, i horad nabudzie imidž sučasnaha».
Ina:
«Ja intraviert, mnie navat na «cichich» viečarynkach ciažka. Ale ja dakładna za takuju ideju dla Barysava. A to jak byvaje? Zładzili śviata — ludzi skardziacca: «Zanadta hučna!» A tut usio kulturna, cicha, biaśpiečna. Navat milicyja pryčapicca nie zmoža. Praŭda, kali zachočuć kantralavać, što za repiertuar hučyć u navušnikach — voś heta ŭžo budzie prablema».
Čytajcie taksama:
Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach
Łukašenka dazvoliŭ achoŭnikam nadhladać naviedvalnikaŭ načnych kłubaŭ