Bieśpiłotniki atakavali Kurskuju, Biełharadskuju, Lipieckuju vobłaści
Minbarony RF paviedamiła pra 162 źbityja drony.
Zdymki načnych razbureńniaŭ u Kurskaj vobłaści apublikavaŭ jaje kiraŭnik Alaksandr Chinštejn
U noč na 2 červienia bieśpiłotniki atakavali najmienš vosiem abłaściej Rasii, a taksama Krym, paviedamili ŭ Ministerstvie abarony Rasijskaj Fiederacyi. Pavodle źviestak viedamstva, było źniščana i pierachoplena 162 bieśpiłotniki.
Najbolš dronaŭ źbili ŭ Kurskaj (57), Biełharadskaj (31) i Lipieckaj (27) abłaściach. Taksama pad ataki trapili Varoniežskaja, Branskaja, Riazanskaja, Arłoŭskaja i Tamboŭskaja vobłaści.
U Lipieckaj vobłaści, jak paviedamiŭ hubiernatar Ihar Artamonaŭ, adzin čałaviek atrymaŭ lohkaje ranieńnie ŭ Lebiadzianskim rajonie. Taksama ŭ horadzie Lebiadziań askołki drona pry padzieńni začapili dva damy.
U Kurskaj vobłaści, pavodle jaje kiraŭnika Alaksandra Chinštejna, paškodžańni atrymali try pryvatnyja damy, adzin šmatkvaterny dom i haraž. Papiarednie, paciarpiełych niama.