Pieravydali knihu Siarhieja Navumčyka pra 1995-y hod u historyi Biełarusi
Fond «Kamunikat» vydaŭ knihu ŭspaminaŭ biełaruskaha palityka i žurnalista Siarhieja Navumčyka «Dzievianosta piaty». Heta treciaje pa liku, dapoŭnienaje vydańnie knihi, jakaja ŭpieršyniu vychodziła ŭ 2015 hodzie, piša bellit.info
U knizie deputata pieršaha parłamientu niezaležnaj Biełarusi Siarhieja Navumčyka apaviadajecca pra dramatyčny dla historyi Biełarusi 1995 hod. U tym liku — pra źbićcio deputataŭ apazicyi BNF u Avalnaj zali Domu ŭradu i antykanstytucyjny refierendum, jaki pastaviŭ kropku ŭ apošniaj chvali nacyjanalnaha Adradžeńnia i adkryŭ šlach da ŭstalavańnia ciapierašniaj ułady.
Mienavita ŭ 1995 hodzie ŭ Biełarusi prajšoŭ pieršy refierendum, jaki likvidavaŭ status nacyjanalnych simvałaŭ jak dziaržaŭnych, dadaŭ jašče adnu dziaržaŭnuju movu, pryviazaŭ krainu da Rasii, a prezidentu adčyniŭ dźviery da nieabmiežavanaj ułady.
Knihu Siarhieja Navumčyka «Dzievianosta piaty» možna zamović na sajcie Kamunikat.shop.