Rasija prapanavała prypynić ahoń na asobnych učastkach frontu na 2—3 dni
Kamientujučy vyniki pieramoŭ u Stambule, kiraŭnik rasijskaj delehacyi, pamočnik prezidenta Rasii Uładzimir Miadzinski paviedamiŭ, što Rasija prapanavała Ukrainie prypynić ahoń na niekatorych učastkach frontu na 2—3 dni. Meta — dać mahčymaść kamandziram zabrać cieły zahinułych sałdat.
Uładzimir Miadzinski. Fota: Burak Kara/Getty Images
Pavodle słoŭ Miadzinskaha, ukrainski bok paabiacaŭ u «najkaraciejšy termin» razhledzieć hetuju prapanovu. Jon patłumačyŭ, što karotkačasovaje spynieńnie bajavych dziejańniaŭ, u tym liku z adklučeńniem dronaŭ, nieabchodnaje dla vyrašeńnia sanitarnaj situacyi ŭ «šeraj zonie», kab paźbiehnuć epidemij.
Taksama jon paćvierdziŭ raniejšaje paviedamleńnie kiraŭnika ŭkrainskaj delehacyi Rustema Umierava, što była dasiahnutaja damoŭlenaść pra abmien usich ciažka paranienych vajennapałonnych pa formule «ŭsich na ŭsich», a taksama abmien maładymi sałdatami va ŭzroście da 25 hadoŭ.
Pavodle słoŭ Miadzinskaha, Rasija atrymała ad ukraincaŭ śpis z 339 ukrainskich dziaciej, jakich Kijeŭ patrabuje viarnuć. Pry hetym jon zajaviŭ, što Rasija nibyta nie vykradała dziaciej i nazvaŭ adpaviednyja abvinavačańni «šou dla spahadlivych jeŭrapiejcaŭ».
Čytajcie taksama:
U Stambule damovilisia tolki pra novy abmien pałonnymi
Pieramovy Rasii i Ukrainy ŭ Stambule skončylisia
Pačatak pieramovaŭ Ukrainy i Rasii ŭ Stambule zatrymlivajecca na paŭtary hadziny
Ukraina pieradała svoj miemarandum Rasii na ŭkrainskaj i anhlijskaj movach