Antona Matolku zavočna asudzili na 20 hadoŭ pazbaŭleńnia voli
Taksama sud pryznačyŭ jamu štraf u pamiery 2000 bazavych vieličyń (84 tysiačy rubloŭ).
Pavodle prakuratury, u 2020 hodzie Matolka nibyta arhanizavaŭ zmovu z metaj zachopu ŭłady, udzielničaŭ u masavych biesparadkach i zaklikaŭ da hvałtoŭnych dziejańniaŭ.
Taksama jaho abvinavacili ŭ dyskredytacyi dziaržavy, zdradzie joj, abrazie Łukašenki i słužbovych asob, u raspalvańni varožaści.
Paviedamlajecca, što jon byŭ stvaralnikam, administrataram i kiraŭnikom šerahu Telegram-kanałaŭ, naprykład, «MatolkaPamažy», «Dyjaspary Biełarusi suprać vajny: Dziečat», «Biełaruski Hajun» i inšych, inkryminavany šerah naŭmysnych złačynstvaŭ ekstremisckaj nakiravanaści. Ahułam jamu inkryminavałasia 14 artykułaŭ KK.
Nahadajem, što prajekt «Biełaruski Hajun» byŭ zhornuty 5 lutaha 2025 hoda paśla taho jak vyśvietliłasia, što siłaviki vykačali adtul infarmacyju.