Ukrainskaja delehacyja prybyła ŭ Vašynhton dla pieramovaŭ z administracyjaj Trampa
Vysokapastaŭlenyja pradstaŭniki ŭrada Ukrainy prybyli ŭ Vašynhton, kab abmierkavać z ZŠA padtrymku ŭ vajnie suprać Rasii. Pra heta paviedamiŭ kiraŭnik ofisa prezidenta Ukrainy Andrej Jarmak u svaich sacsietkach.
Ź jahonych słoŭ, ukrainskaja delehacyja maje namier kazać ab vajskovaj dapamozie, situacyi na froncie i ŭzmacnieńni sankcyj suprać Rasii.
U skład delehacyi taksama ŭvajšli ministr ekanomiki Julija Śvirydzienka i pradstaŭniki Minabarony Ukrainy.
Jak adznačyŭ Jarmak, ukraincy płanujuć sustrecca jak z pradstaŭnikami Respublikanskaj i demakratyčnaj partyj, tak i z kamandaj Donalda Trampa.
Asobnaj temaj pieramovaŭ stanie viartańnie ŭkrainskich dziaciej, jakich Rasija, pa śćviardžeńni Kijeva, niezakonna ŭtrymlivaje na akupavanych terytoryjach abo vyviezła na svaju terytoryju.