Jaki horad Biełarusi samy ekałahičny? Vučonyja vyśvietlili
Rejtynh samych ekałahičnych haradoŭ ahučyła načalnica adździeła pavierchnievych vod RUP «Centralny navukova-daśledčy instytut kompleksnaha vykarystańnia vodnych resursaŭ» Alena Hramadskaja dla BiełTa.
Horad Brest. Fota: «Naša Niva»
Rejtynh ekałahičnaści haradoŭ vučonyja składajuć z 2020 hoda. Pa słovach Aleny Hramadskaj, ciapier pieršaje miesca ŭ im zajmaje Brest.
«Minsk i Hrodna mianiajucca pazicyjami z hoda ŭ hod, ale ŭ cełym znachodziacca ŭ miežach 2-4 miescaŭ, a Minski rajon zajmaje pazicyju nižej, čym sam horad. Mahčyma, za košt taho, što častka pradpryjemstvaŭ vyniesienaja za terytoryju horada Minska», — patłumačyła jana.
Adnym z asnoŭnych faktaraŭ, jaki ŭpłyvaje na vyniki daśledavańnia źjaŭlajecca ekałahičnaja palityka horada. Dziakujučy mierapryjemstvam Viciebsk padniaŭsia ź piataha na druhoje miesca, udakładniła čynoŭnica.
Namieśnica načalnika Respublikanskaha centra analityčnaha kantrolu ŭ halinie achovy navakolnaha asiarodździa Śviatłana Kaścian dadała, što ŭ Minsku šmat bujnych pradpryjemstvaŭ.
«Asnoŭnyja vykidy ŭ stalicy prypadajuć na mabilnyja krynicy-mašyny. Niahledziačy na heta, pa statystycy nazirajecca skaračeńnie vykidaŭ ad ich», — adznačyła jana, dadaŭšy, što heta adbyvajecca za košt pavieličeńnia papularnaści elektratranspartu