Pamiežniki zatrymali mužčynu, jaki sprabavaŭ zajechać u Biełaruś z anulavanym hreckim pašpartam
Zamiežnik jechaŭ ź Litvy, paviedamiła pres-słužba Pamiežnaha kamiteta.
Zatrymany mužčyna. Fota: Pamiežny kamitet
1 červienia mužčyna jechaŭ u rejsavym aŭtobusie «Vilnia-Minsk». Na prapusknym punkcie Kamienny Łoh vystvietliłasia, što ŭ jaho niama dakumientaŭ.
Zamiežnik patłumačyŭ, što padčas prachodžańnia miažy ź litoŭskaha boku jon vyjšaŭ z aŭtobusa, dačakaŭsia, pakul astatnija pasažyry buduć aformlenyja, i viarnuŭsia ŭ mašynu. Tak jon pryjechaŭ na KPP i płanavaŭ prajści druhuju miažu pa toj ža schiemie.
U asabistych rečach mužčyny znajšli anulavany pašpart hramadzianina Hrecyi.
Jaho zatrymali da vyśviatleńnia abstavin i nakiravali ŭ IČU. Mužčynie pahražaje štraf ad 10 da 100 bazavych vieličyniaŭ za niezakonnaje pierasiačeńnie miažy.