«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Z maja biełarusy mohuć atrymać štraf za toje, što na ich učastku trava vyšejšaja za 20 santymietraŭ. Heta stała nahodaj dla šmatlikich žartaŭlivych videa ŭ tyktoku.

Skrynšot videa ŭ tyktoku

U Biełarusi ŭstupili ŭ siłu novyja praviły dobraŭparadkavańnia i ŭtrymańnia nasielenych punktaŭ, zaćvierdžanyja pastanovaj Savieta Ministraŭ ad 16 maja 2025 hoda №267. Hetyja źmianieńni datyčacca, u tym liku, abaviazkovaha pakosu travy i dohladu prylehłych terytoryj.

Ułaśnikaŭ ziamielnych učastkaŭ abaviazali skošvać travu, kali jaje vyšynia pieravyšaje 20 santymietraŭ. Treba skošvać travu ad hranicy ziamielnaha ŭčastka da tratuara abo da prajeznaj častki, kali tratuara niama. Pa astatnich bakach učastku — u miežach 10 mietraŭ abo da pałovy adlehłaści da susiedniaha ŭčastka.

Nievykanańnie patrabavańniaŭ moža skončycca štrafam da 25 bazavych (pa stanie na červień heta da 1050 rubloŭ).

Novyja praviły spravakavali šmat žartaŭ u tyktoku.

Naprykład, u adnym z rolikaŭ dźvie žančyny abmiarkoŭvajuć pajezdku na lecišča.

Adna ščaśliva vychvalajecca:

— Jeździła ŭčora da jaho na lecišča. U jaho 18 santymietraŭ!

A druhaja sumna adkazvaje:

— A ŭ majho 21, ty ŭjaŭlaješ?! 10 bazavych dali.

@reutson Soviet Ministrov RB utvierdił obnovlonnyje normy sodieržanija tierritorij. Sohłasno novomu postanovleniju, tiepieŕ vładielcy častnych ziemielnych učastkov obiazany poddierživať poriadok nie tolko v priediełach svoich vładienij, no i na prilehajuŝich tierritorijach. Niesobludienije etich triebovanij hrozit suŝiestviennymi štrafami. #biełaruś #domvdierievnie #trava #pokos #20sm ♬ orihinalnyj zvuk - Max

A najbolš papularnym dla takich videa staŭ huk z savieckaha filma «Ivan Vasiljevič mianiaje prafiesiju». Tyktokiery robiać vyhlad, byccam ruletkaj vymiarajuć vyšyniu susiedskaj travy i telefanujuć u milicyju pad frazu: «Alo, milicyja? A ja nie z nahody kradziažu. U nas tut sprava bolš značnaja — inžynier Cimafiejeŭ…».

@daryakrivec #zakon #travaudoma #sosiedi #iumor #dača #dierievienskijvajb #drozdy #pokostravy #spletni #riekomiendacii #trava ♬ orihinalnyj zvuk - Jevhienij

A niechta žartuje, što telefanuje na asfaltabietonny zavod i cikavicca, kolki ž budzie kaštavać zaasfaltavać 10 sotak ziamli. Heta videa nabrała ŭžo bolš za 700 tysiač prahladaŭ i kala 11 tysiač łajkaŭ.

@wow.tiktok.comnikname #dierievnia #kośba #zakon #trava #riekomiendacii ♬ orihinalnyj zvuk - Alexa_mayorova

Svaim dośviedam terminovaha pakosu travy (bo treba było paśpieć na aŭtobus u Litvu) padzialiłasia i tyktokierka Edyta Ivanaŭna. Jana litoŭka, jakaja šmat hadoŭ pražyła ŭ Vialikabrytanii. A ciapier voś vyrašyła nabyć ziamlu ŭ Biełarusi i pabudavać tam dom. 

@edita_ivanovna Pora kosiť travu na dierievni , kosiłka prosto miečta sielanina ! #biełaruś #belarus #poleznyjesoviety #śmiešnojevidieo #dierievnia #sieło #kosiłka ♬ original sound - edita_ivanovna

Kamientary da artykuła