U niamieckim Kiolnie evakuirujuć 20 tysiač čałaviek. Pryčyna — bomby časoŭ Druhoj suśvietnaj vajny
Śpiecyjalisty buduć abiasškodžvać try amierykanskija bomby, skinutyja na horad u časy Druhoj suśvietnaj vajny, piša Deutsche Welle.
Ilustracyjny zdymak
Na čas rabot pa abiasškodžvańniu ŭ horadzie projdzie evakuacyja. Jana pačniecca 4 červienia ŭ 8 ranicy.
Nie buduć pracavać škoły, dziciačyja sadki, muziei i budynki dziaržaŭnaj administracyi. U zonie evakuacyi budzie i častka centralnaha vakzała horada — stancyja Cologne Messe/Deutz. Na niekalki hadzin spynicca ruch pa mastach praz raku Rejn.
Niamieckaja čyhunka źmienić hrafik pracy.
Deutsche Welle piša, što heta samaja maštabnaja evakuacyja ŭ horadzie z časoŭ Druhoj suśvietnaj vajny. Z terytoryi ŭ 1 kiłamietr evakuirujuć 20 tysiač čałaviek.