Muziej u Amsterdamie vystaviŭ 200-hadovy preziervatyŭ z malunkam. U muziei — anšłah
«Jon u idealnym stanie», — zapeŭnivaje kuratarka muzieja.
Amsterdamski Dziaržaŭny muziej (Rijksmuseum) vystaviŭ na ahlad nabyty im na aŭkcyjonie preziervatyŭ z malunkam, zrobleny amal 200 hadoŭ tamu, piša Bi-bi-si.
Preziervatyŭ, jak miarkujecca, zrobleny z apiendyksa aviečki i ŭpryhožany pikantnaj scenaj z udziełam manaški i troch śviataroŭ.
Hety redki artefakt byŭ vyrableny prykładna ŭ 1830 hodzie. Rejksmuzieum nabyŭ jaho na aŭkcyjonie letaś, a ciapier uklučyŭ u vystavu, pryśviečanuju prastytucyi i seksu ŭ XIX stahodździ.
Kuratarka Dziaržaŭnaha muzieja Džojs Zielen raspaviała Bi-bi-si, što, kali jana z kalehami ŭbačyła hety preziervatyŭ na aŭkcyjonie, jon ich vielmi naśmiašyŭ. Handlavacca za jaho nie pryjšłosia: jany akazalisia adzinymi, chto chacieŭ nabyć taki artefakt. Paśla kupli preziervatyŭ ahledzieli pry dapamozie ultrafijaletavaha śviatła i vyznačyli, što pa pryznačeńni jon nie vykarystoŭvaŭsia.
«Jon u idealnym stanie», — zapeŭnivaje Zielen.
Źjaŭleńnie 200-hadovaha preziervatyva ŭ ekspazicyi vyklikała anšłah u muziei — pahladzieć na jaho iduć i staryja, i maładyja.
Pa słovach Zielen, hety dziŭny preziervatyŭ, vierahodna, byŭ suvieniram z šykoŭnaha francuzskaha bordela. Da našych dzion zachavalisia tolki dva padobnyja artefakty.
U tłumačeńni muzieja da novaha ekspanata havorycca, što jon «ujaŭlaje saboj śvietłyja i ciomnyja baki sieksualnaha zdaroŭja ŭ epochu, kali pačućciovyja asałody supravadžalisia stracham pierad niepažadanaj ciažarnaściu i chvarobami, što pieradajucca pałavym šlacham — asabliva [śmiarotnym u toj čas] sifilisam».
Na malunku na preziervatyvie manaška siadzić z zadranym padołam i razsunutymi nahami, i pakazvaje palcam na troch śviataroŭ, što stajać pierad joj z zadranymi rasami.
Nadpis na francuzskaj pad malunkam kaža: «Voilà mon choix» — «voś moj vybar».
Ekśpierty muzieja miarkujuć, što malunak adnačasova vyśmiejvaje celibat i paradziruje vybar Parysa z hreckaha mifa, u jakim carevič z Troi musiŭ vybrać, jakaja z troch bahiń — Afradyta, Afina abo Hiera — samaja pryhožaja.
U fondach muzieja zachoŭvajecca kala 750 tysiač malavanych, drukavanych i fatahrafičnych vyjavaŭ, ale hety malunak na preziervatyvie — adziny taki va ŭsioj kalekcyi.
«Nakolki nam viadoma, my — adziny mastacki muziej, jaki vałodaje preziervatyvam z nadrukavanym malunkam», — kaža Džojs Zielen.
Vystava, pryśviečanaja prastytucyi i seksu ŭ XIX stahodździ, z hetym preziervatyvam jak hałoŭnaj zorkaj, praciahniecca da kanca listapada.