Skončyŭ žyćcio samahubstvam 34-hadovy stvaralnik muzyki i videa Maksim Bielski
U 2020 hodzie chłopiec padtrymaŭ pratesty, paśla čaho byŭ vymušany źjechać u emihracyju.
Maksim Bielski, viadomy jak Makslonglive (dasłoŭny pierakład — Žyvie Maks), pajšoŭ z žyćcia 2 červienia 2025 hoda. Pra heta paviedamili jaho siabry ŭ sacsietkach. Chłopcu było 34 hady.
Maksim Bielski byŭ viadomy jak stvaralnik muzyki i videa. Pracavaŭ z rasijskim komikam Daniłam Papiarečnym.
Maksim dałučyŭsia da padziej žniŭnia 2020 hoda ŭ Minsku. Jaho zdymki z pratestaŭ źbirali dziasiatki tysiač łajkaŭ. Jon byŭ aŭtaram dakumientalnaha filma «Žyvie Biełaruś» na 80 tysiač prahladaŭ, u jakim źniaŭsia sam.
Fota ź instahrama Maksima Bielskaha
Paśla chłopiec źjechaŭ ź Biełarusi. Žyŭ u Pieciarburhu, u Tbilisi, u Vilni. Sprabavaŭ adkryć bar u Hruzii, zdymaŭ klipy, ale tak i nie daŭ rady emihracyi. Jašče paŭtara hoda nazad Maksim zapisvaŭ videa «Jak pieražyć ciažkaści — emihracyja, adzinota, stres, adsutnaść hrošaj i inšaja łuchta».
Pa słovach siabroŭ, pryčynaj sychodu stali prablemy sa zdaroŭjem i pobytavaja nieŭładkavanaść.