BIEŁ Ł RUS

U Kramli zajavili, što chacieli b pačuć ad Trampa słovy asudžeńnia napadaŭ na rasijskija aeradromy

5.06.2025 / 13:32

Nashaniva.com

Adkazvajučy na pytańnie Bi-bi-si, ci kazaŭ Pucin Trampu, što Rasija adkaža na ataki, Dźmitryj Piaskoŭ adkazaŭ: «Tak, sapraŭdy».

Fota: Alexei Danichev, Sputnik, Kremlin Pool Photo via AP

Piaskoŭ taksama skazaŭ, što Tramp u razmovie z Pucinym zajaviŭ, što nie viedaŭ pra płany padrychtoŭki apieracyi SBU «Pavucińnie», u vyniku jakoj byli paškodžanyja samaloty stratehičnaj avijacyi Rasii, ale ŭ Kramli chacieli b pačuć ad amierykanskaha lidara słovy asudžeńnia.

Kali havaryć u cełym pra mižnarodnuju acenku, kaniešnie, my addali b pieravahu pačuć žorstkaje asudžeńnie», — skazaŭ Piaskoŭ.

Amierykanski partał Axios siońnia napisaŭ sa spasyłkaj na krynicy, što Tramp ustrymlivaŭsia ad publičnych kamientaroŭ z nahody ŭkrainskaj apieracyi «Pavucińnie», ale ŭ pryvatnych razmovach zachaplaŭsia joju.

«Davoli mahutna» i «kruta» — takimi słovami apisvajuć jaho reakcyju surazmoŭcy vydańnia.

Pry hetym Tramp razumieje, što ataka na aeradromy, vierahodna, padšturchnie Uładzimira Pucina da surjoznych mieraŭ u adkaz, kaža jašče adna krynica Axios, znajomaja ź situacyjaj.

Prezident ZŠA taksama zaniepakojeny tym, što taki scenar moža pieraškodzić jaho dypłamatyčnym namahańniam pa zaviaršeńni vajny.

Čytajcie taksama:

Kamientary da artykuła