Tramp i Mask adkryli źniščalny ahoń adzin u adnaho
Adzin prapanavaŭ spynić dziaržaŭnyja datacyi, a inšy — abvinavaciŭ u piedafilii.
Fota: AP Photo/Evan Vucci
U svaich sacyjalnych sietkach prezident ZŠA Donald Tramp i biźniesmien Iłan Mask, jakija raniej byli dobrymi kalehami, pačali pierapałku.
Tramp namiaknuŭ na skaračeńnie subsidyj dla Maska:
«Samy prosty sposab źbierahčy miljardy i miljardy dalaraŭ u našym biudžecie — heta spynić dziaržaŭnyja datacyi i kantrakty dla Iłana. Mianie zaŭsiody ździŭlała, jak heta Bajden hetaha nie zrabiŭ», — napisaŭ jon.
Skrynšot: Donald Tramp / Truth
Mask u svaju čarhu zhadaŭ, što Tramp fihuruje ŭ hučnaj spravie suprać Epštejna — niabožčyka i miljaniera, sieryjnaha hvałtaŭnika maładych dziaŭčat (pra heta było viadoma z 2024 hoda — NN).
«Para bambić pa-sapraŭdnamu: Tramp fihuruje ŭ fajłach Epštejna. Voś čamu ich nie apublikavali. Dobraha dnia, Donald Tramp!» — napisaŭ jon.
Skrynšot: Iłan Mask / X