BIEŁ Ł RUS

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»

7.06.2025 / 17:15

Nashaniva.com

Miarkujučy pa ŭsim, Rusłanu Sacharčuku prysudzili chimiju.

Rusłan Sacharčuk. Fota ź jahonaj staronki Ukantakcie

Rusłanu Sacharčuku 48 hadoŭ. Jon z Bresta. Paśla škoły skončyŭ Mahiloŭski vyšejšy kaledž MUS i pracavaŭ u milicyi. Dasłužyŭsia da kapitana ŭ Leninskim RAUS h. Bresta. U 2008 byŭ zvolnieny za ździajśnieńnie dyskredytujučych učynkaŭ.

Nieviadoma, jak jaho tudy zaniesła, ale ŭžo 2 hady jon pieryjadyčna byvaŭ u Afrycy, u Kienii, i vioŭ na jutubie błoh «Z Afryki ŭ Biełaruś» (From Africa to Belarus). Tam jon raskazvaje pra žyćcio i pracu ŭ Afrycy, a taksama dzielicca padziejami z žyćcia ŭłasnaha.

Kali Sacharčuka zatrymali, niezrazumieła. Urešcie jaho asudzili ŭ Bresckim abłasnym sudzie pa č. 1 art. 130 KK — «raspalvańnie varožaści». U milicejskim śpisie «ekstremistaŭ» u jaho staić paznaka «adbyvaje pakarańnie». Adnak z ulikam taho, što Sacharčuk zaraz znachodzicca na svabodzie, jamu chutčej za ŭsio prysudzili chimiju z nakiravańniem, i jon čakaje, pakul jamu vyznačać miesca adbyvańnia pakarańnia.

Čytajcie taksama:

Maładuju arhanizatarku viasiellaŭ asudzili za «raspalvańnie varožaści»

Piensijanierki ŭ Breście rašyli razabracca ź biazdomnymi katami, bo tyja «hadzili na kvietki»

Piać hadoŭ tamu aryštavali Paŭła Sieviarynca

Kamientary da artykuła