BIEŁ Ł RUS

U Minsku adkryli Nacyjanalny futbolny stadyjon

7.06.2025 / 21:27

Nashaniva.com

Novaja arena raźmieščanaja na vulicy Vaniejeva i źmiaščaje 33 tysiačy hledačoŭ. Jana budzie asnoŭnaj placoŭkaj dla chatnich matčaŭ zbornaj Biełarusi pa futbole. 

Budaŭnictva stadyjona pačałosia ŭ 2019 hodzie, u jaho stvareńni aktyŭnuju rolu adyhrali kitajcy. Adkryćcio abjekta nie raz pieranosiłasia, ale 7 červienia ŭsio ž adbyłosia. Na cyrymonii adkryćcia prysutničaŭ Alaksandr Łukašenka.

Paśla aficyjnaj častki adbyŭsia pieršy matč — sustrelisia moładzievyja zbornyja Biełarusi i Kitaja. Hulnia skončyłasia ź likam 1:1. Abodva hały zabili biełarusy. Spačatku Mikita Baranok adkryŭ lik na 47-j chvilinie, a na 75-j Maksim Burko zabiŭ aŭtahoł.

10 červienia na poli novaha stadyjona zhulaje i darosłaja zbornaja Biełarusi ŭ tavaryskaj sustrečy suprać zbornaj Rasii.

Čytajcie taksama:

Łukašenka prapanavaŭ pastavić u Minsku pomnik Si Czińpinu

Eduarda Małafiejeva nie zaprasili na adkryćcio Nacyjanalnaha stadyjona

Na minskim stadyjonie «Traktar» prajšoŭ pieršy matč paśla praciahłaj rekanstrukcyi

Kamientary da artykuła