Pajšoŭ i nie viarnuŭsia. Pad Łahojskam maładzion zhubiŭsia ŭ lesie za 500 m ad siabroŭ
Učora, u niadzielu, u 11:45 da ratavalnikaŭ źviarnułasia kampanija maładych ludziej z prośbaj dapamahčy ŭ pošuku ich siabra, jaki zhubiŭsia ŭ lesie.
Skrynšot videa MNS
Prybyŭšy na miesca, ratavalniki vyśvietlili, što kampanija ź piaci čałaviek jechała na aŭtamabili ź Minska ŭ viosku Švaby.
Niedaloka ad ahraharadka Haściłavičy jany źjechali z darohi ŭ les, paśla čaho adzin ź ich vyjšaŭ z mašyny i pajšoŭ u hłyb lesu.
U maładoha čałavieka nie było z saboj mabilnaha telefona.
A 14:48 rabotniki MNS z vykarystańniem kvadrakoptara znajšli źnikłaha za 500 mietraŭ ad aŭtamabila. Miedycynskaja dapamoha jamu nie spatrebiłasia, paviedamlaje MNS.