Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał
Italjanski tvar tyktoku Chabi Lejm (sapraŭdnaje imia — Chabanie Lejm) byŭ zatrymany ŭ aeraporcie ŭ Łas-Viehasie 6 červienia. Jak paviedamlaje Associated Press, błohiera vysłali z krainy pa zahadu mihracyjnaj słužby.
Pavodle mihracyjnaj słužby ICE, Lejm, jaki pryjechaŭ u ZŠA ŭ krasaviku, pieravysiŭ dapuščalny 30-dzionny termin znachodžańnia pa vizie. Jamu dazvolili pakinuć krainu dobraachvotna — i jon heta zrabiŭ.
Chabi Lejm pakul nie daŭ nijakich aficyjnych kamientaroŭ.
Lejm — samy papularny čałaviek u TikTok z bolš čym 162 miljonami padpisčykaŭ. Błohier prasłaviŭsia tym, što vyśmiejvaŭ biazhłuzdyja łajfchaki. Jaho videa stali miemam.
Chabi Lejm taksama źjaŭlajecca pasłom dobraj voli JUNISIEF.