Hrantavy konkurs dla biełaruskaj kultury — jakija prajekty mohuć padacca
ArtPower Belarus zapuskaje praciah konkursnaj prahramy dla biełaruskich tvorcaŭ i kulturnickich inicyjatyvaŭ i abviaščaje novy nabor zajavak. Ciapier jašče bolš mahčymaściej dla tych, chto pracuje ź idejami, supolnaściami i sensami.
Fota: rydlevskaya_a / Instagram
Praduhledžany dva kirunki finansavańnia:
— arhanizacyjnaje raźvićcio: umacavańnie kamandy, palapšeńnie infrastruktury, raspracoŭka stratehij, novyja prahramy i partniorstvy,
— kreatyŭnyja prajekty: stvareńnie i realizacyja mastackich i mižsiektaralnych inicyjatyŭ, publičnyja padziei, daśledavańni i adukacyjnyja farmaty. Farmaty hrantaŭ MINI i MIDI.
Pamier finansavańnia:
— MINI: 3 000 — 10 000 €
— MIDI: 10 000 — 60 000 €
— Arhanizacyjnyja hranty: 10 000 — 60 000 €
Dedłajny:
- tvorčyja prajekty: da 15 lipienia
- arhanizacyjnaje raźvićcio: da 29 lipienia
Chto moža ŭdzielničać:
- biełaruskija kulturnickija dziejačy ŭnutry krainy i ŭ vyhnańni
- arhanizacyi i inicyjatyvy
- partniorskija i mižsiektaralnyja prajekty
U žniŭni taksama adkryjecca asobny treci kirunak — finansavańnie ŭ nadzvyčajnych situacyjach.
Padać zajaŭku na hrant možna pa spasyłcy.
Na ŭsie pytańni, źviazanyja z prajektam ArtPower Belarus, adkažuć na infasiesii 17 červienia. Zarehistravacca na sustreču možna tut.
Inicyjatyva realizujecca Biełaruskaj Radaj kultury ŭ partniorstvie z Dackim instytutam kultury i finansujecca Jeŭrapiejskim sajuzam.