Vyraśli taryfy na ŽKH: voś kolki buduć kaštavać
8 červienia ŭrad zaćvierdziŭ pastanovu №313, jakaja ŭnosić źmianieńni ŭ košt kamunalnych pasłuh dla nasielnictva. Abnoŭlenyja taryfy na haz, elektraenierhiju i aciapleńnie pačnuć dziejničać užo ŭ červieni.
Voś novyja taryfy.
Najbolšy rost taryfaŭ zakranuŭ ciepłavuju enierhiju, jakaja vykarystoŭvajecca dla aciapleńnia i haračaha vodazabieśpiačeńnia.
- Było: 24,7187 rubla za 1 Hkał.
- Stała: 27,2323 rubla za 1 Hkał.
- Roźnica: +2,5136 rubla, abo prykładna 10,17%.
Źmieny zakranuli i taryfy na pryrodny haz, pryčym pa-roznamu dla domaŭładańniaŭ ź indyvidualnymi ličylnikami i bieź ich.
Dla damoŭ ź indyvidualnymi pryborami ŭliku i hazavymi katłami:
- Było: 0,2062 rubla za 1 m³
- Stała: 0,2125 rubla za 1 m³.
- Rost: kala 3,05%.
Dla tych, u kaho niama ličylnikaŭ, ale jość hazavaje aciapleńnie (apłata za 1 m² žyłoj płoščy):
U aciaplalny siezon:
- Było: 0,6872 rubla
- Stała: 0,736 rubla (+7,1%).
U letni pieryjad:
- Było: 0,2577 rubla
- Stała: 0,276 rubla (+7,1%).
Zvadkavany haz taksama padaražeŭ. Dla spažyŭcoŭ ź indyvidualnymi katłami i pryborami ŭliku ŭ aciaplalny siezon cana takaja:
- Było: 2,8457 rubla
- Stała: 3,1098 rubla za kubamietr (+9,28%).
Papraŭki zakranuli nie ŭsie taryfy na elektraenierhiju, a tolki niekatoryja katehoryi spažyŭcoŭ.
Dla damoŭ biez centralnaha aciapleńnia i hazu (z elektraplitami):
— Adzinkavy taryf
- Było: 0,1176 rubla za kVt·h
- Stała: 0,1179 rubla (+0,25%).
— Dyfierencyravany taryf (dzień/noč)
Unačy (23:00—6:00)
- Było: 0,0823 rubla
- Stała: 0,0825 rubla.
Udzień
- Było: 0,1529 rubla
- Stała: 0,1533 rubla.
Dla damoŭ z asobnym ličylnikam na aciapleńnie i HVS
- Było: 0,0449 rubla za kVt·h
- Stała: 0,0454 rubla (+1,1%).
Zvyčajnyja taryfy (naprykład, dla kvater z elektraplitami — 0,2412 rubla, z hazavymi plitami — 0,2838 rubla) nie źmianilisia.