Pamior adzin z zasnavalnikaŭ Beach Boys Brajan Uiłsan
Adzin z zasnavalnikaŭ lehiendarnaha hurta Beach Boys Brajan Uiłsan pamior va ŭzroście 82 hady, paviedamiła jahonaja siamja. Pryčyna śmierci nie nazyvajecca, adnak viadoma, što Uiłsan chvareŭ na demiencyju i nie moh samastojna kłapacicca pra siabie paśla śmierci žonki ŭ pačatku 2024 hoda.
Brajan Uiłsan. Fota: Wikimedia Commons
Brajan Uiłsan naradziŭsia 20 červienia 1942 hoda ŭ Kalifornii. U 1961 hodzie razam z bratami Denisam i Čarlzam, stryječnym bratam Majkam Łavam i siabram sa škoły Ełam Džardynam jany stvaryli hurt Beach Boys. U 1966 hodzie jany vypuścili albom Pet Sounds, jaki ličycca važnym etapam u raźvićci rok-muzyki 1960-ch.
U 2000 hodzie Brajan Uiłsan byŭ uklučany ŭ Zału słavy sanhrajtaraŭ. Poł Makartni, jaki ŭručyŭ jamu hetu ŭznaharodu, adznačyŭ, što muzyka Uiłsana 60-ch hadoŭ dahetul vyklikaje ŭ jaho mocnyja emocyi i źjaŭlajecca znakam sapraŭdnaha hienija.
U 2014 hodzie vyjšaŭ film «Kachańnie i miłasernaść», jaki raskazvaje pra žyćcio Uiłsana i jahonuju baraćbu ź psichičnymi prablemami i zaležnaściami ŭ 1960—1980-ja hady.
Čytajcie taksama:
Pamior piśmieńnik i raźviedčyk Frederyk Farsajt
Pamior były salist rasijskich Michajłaŭskaha i Maryinskaha teatraŭ Valeryj Panoŭ