Rubia pavinšavaŭ rasijan z Dniom Rasii. Ukraina: «Heta nienarmalna»
Dziaržaŭny sakratar ZŠA Marka Rubia pavinšavaŭ rasijski narod z Dniom Rasii, jaki adznačajecca 12 červienia. Ukraincy heta rasceńvajuć jak «uznaharodžańnie krainy-ahresara».
Marka Rubia. Fota: Saul Loeb, Pool Photo via AP
U svaim vinšavańni Mark Rubia padkreśliŭ, što ZŠA zastajucca addanymi padtrymcy rasijskaha naroda, jaki nibyta «praciahvaje budavać svajo imknieńnie da lepšaj budučyni».
«My taksama karystajemsia hetaj mahčymaściu, kab paćvierdzić žadańnie Złučanych Štataŭ kanstruktyŭna supracoŭničać z Rasijskaj Fiederacyjaj dla dasiahnieńnia praciahłaha miru pamiž Rasijaj i Ukrainaj. My spadziajemsia, što mir budzie spryjać raźvićciu bolš uzajemavyhadnych adnosin pamiž našymi krainami», — napisaŭ amierykanski dziaržsakratar.
Ministr zamiežnych spraŭ Ukrainy Andrej Sibiha publična asudziŭ heta dziejańnie pierad pačatkam pasiadžeńnia ŭ farmacie «Viejmar+» u Rymie.
Sibiha zajaviŭ, što jamu było «asabliva niepryjemna» čytać vinšavańni da Dnia Rasii. Jon dadaŭ, što «maje maralnaje prava heta ahučvać», adznačyŭšy, što napiaredadni razam ź litoŭskim kaleham byŭ u Chiersonie, jaki raźmieščany za 13 kiłamietraŭ ad linii frontu, i «na svaje vočy ŭbačyŭ, što takoje rasijski teror».
«Heta nienarmalna. Ukrainski narod maje prava na narmalnaje žyćcio», — padkreśliŭ kiraŭnik dypłamatyčnaha viedamstva Ukrainy, adnačasova adznačyŭšy:
«Nie moža być nijakaha uznaharodžańnia ahresii. Nie moža być nijakaha ŭznaharodžańnia krainy-ahresara».
Čytajcie taksama:
Rubia: Tramp nie pajšoŭ ni na jakija sastupki Pucinu
Kit Kiełah raskazaŭ pra viartańnie Rasii ŭ «Lihu Nacyj» i paraŭnaŭ Zialenskaha ź Linkalnam
Zialenski: Rasija prosta padmanvaje Trampa
Mask publična vybačyŭsia pierad Trampam za niekatoryja dopisy