Tramp i Pucin hadzinu havaryli praz telefon

Prezident ZŠA Donald Tramp paviedamiŭ, što atrymaŭ zvanok ad rasijskaha lidara Uładzimira Pucina z nahody dnia naradžeńnia. Pavodle jaho słoŭ, Pucin «vielmi ciopła pavinšavaŭ jaho», pra što Tramp napisaŭ na svajoj staroncy ŭ Truth Social.

Uładzimir Pucin i Donald Tramp u 2019 hodzie. Fota: Getty Image

Padčas razmovy palityki zakranuli temu Irana. Tramp adznačyŭ, što Pucin «dobra raźbirajecca ŭ hetaj krainie». Pra Rasiju i Ukrainu havaryli mienš, ale Tramp zajaviŭ, što hetyja temy abmiarkujuć na nastupnym tydni.

Taksama jon paviedamiŭ, što Pucin zajmajecca arhanizacyjaj maštabnaha abmienu pałonnymi, jaki, pavodle jaho słoŭ, pavinien adbycca ŭ najbližejšy čas.

Akramia taho, Tramp raskazaŭ, što Pucin padčas razmovy zajaviŭ: kanflikt pamiž Iranam i Izrailem pavinien być spynieny. U adkaz Tramp vykazaŭ dumku, što jahonaja «vajna va Ukrainie» taksama pavinna skončycca.

Pradstaŭnik Kramla Juryj Ušakoŭ paćvierdziŭ, što lidary ZŠA i Rasii razmaŭlali kala 50 chvilin i abmiarkoŭvali situacyju na Blizkim Uschodzie.

Kamientary da artykuła