Pientahon pavinšavaŭ amierykancaŭ z Dniom Ściaha vyjavaj rasijskaha fłaha
Departamient abarony ZŠA ŭ tvitary apublikavaŭ vinšavańnie z Dniom Ściaha. Na im — rasijskija ściažki. Paviedamleńnie da hetaj pary nie vydalenaje.
14 červienia, u Dzień Ściaha ZŠA, Pientahon apublikavaŭ u svaich sacyjalnych sietkach śviatočnuju vyjavu z nadpisam «Flag Day».
«Davajcie ŭšanujem simvał našaj nacyi i zorki z pałosami, što abjadnoŭvajuć nas usich. Kali my vyviešvajem ściah našaj krainy i razvažajem nad kaštoŭnaściami, jakija jon uvasablaje, davajcie śviatkavać svabodu, mužnaść i stojkaść, jakija robiać našu krainu vialikaj», — havorycca ŭ vinšavańni.
Adnak zamiest honaru i jednaści vizualnaje paviedamleńnie vyklikała krytyku i ździŭleńnie.
Na vyjavie vidać spałučeńnie biełaj, siniaj i čyrvonaj pałos, što adpaviadaje ściahu Rasijskaj Fiederacyi.
Imavierna, vyjava była zhienieravana štučnym intelektam.