HUR pravioŭ novuju dyviersiju: abiastočyŭ abjekty rasijskaha VPK u Kalininhradzie
Ahienty HUR atakavali pramysłovuju padstancyju ŭ Kalininhradzie.
Pavodle źviestak, apublikavanych «Suśpilnie» sa spasyłkaj na ŭłasnyja krynicy ŭ śpiecsłužbach, u vyniku napadu byli abiastočanyja abjekty rasijskaha vajenna-pramysłovaha kompleksu i armii.
Supracoŭnik śpiecsłužbaŭ paviedamiŭ, što 14 červienia kala 4-j hadziny ranicy ahienty źlili achaładžalnuju vadkaść z transfarmatara i padpalili abjekt, što pryviało da spynieńnia elektrazabieśpiačeńnia.
Straty rasijskaha boku aceńvajucca prykładna ŭ 5 miljonaŭ dołaraŭ ZŠA.
«Siońniašniuju dyviersiju HUR u Kalininhradzie nielha nazvać typovaj akcyjaj ukrainskich śpiecsłužbaŭ na terytoryi Rasii. Da apošniaha času Kalininhradskaja vobłaść nie znachodziłasia ŭ centry ich uvahi. Ciapier ža, u kantekście budučych vučeńniaŭ «Zachad-2025», Kijeŭ demanstruje, što zdolny pravodzić dyviersii i na terytoryi stratehična važnaha dla Rasii Bałtyjskaha rehijonu», — vykazaŭ mierkavańnie ahladalnik Alaksandr Frydman.