Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Valeryja Aršaŭskaja, chutčej za ŭsio, atrymała chatniuju chimiju.
Valeryja Aršaŭskaja. Fota ź jaje staronki ŭ Adnakłaśnikach
Valeryi Aršaŭskaj 27 hadoŭ. Jana pachodzić z Klimavičaŭ Mahiloŭskaj vobłaści. Padčas navučańnia ŭ škole była łaŭretkaj respublikanskaha konkursu tvorčych i navukova-daśledčych prac.
Paśla dziaŭčyna pierajechała ŭ Minsk, skončyła jurydyčny fakultet Biełaruskaha dziaržaŭnaha ŭniviersiteta.
Ciapier jana pracuje mieniedžarkaj prajektaŭ u biuro interjeraŭ Aleny Bułataj. Zasnavanaje ŭ Biełarusi, jano ciapier pracuje dla roznych krain śvietu — u aficyjnym instahramie paznačana, što biuro pierajechała ŭ Dubaj.
Valeryja Aršaŭskaja. Fota: bulataya.com
Valeryju niadaŭna asudzili pa artykule 342 Kryminalnaha kodeksu — udzieł u pratestach. Joj prysudzili chatniuju chimiju.
A 13 červienia 2025 hoda dziaŭčynu dadali ŭ milicejski śpis «ekstremistaŭ».
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Maładuju vykładčycu anhlijskaj movy asudzili za ŭdzieł u pratestach