U Minsku siońnia projdzie samit JEAES
Pasiedžańnie Vyšejšaha Jeŭrazijskaha ekanamičnaha savieta adbudziecca 27 červienia ŭ Minsku, Samit projdzie ŭ Pałacy Niezaležnaści pad staršynstva Alaksandra Łukašenki.
U pasiedžańni prymuć udzieł lidary dziaržaŭ — členaŭ JEAES, krain-naziralnikaŭ i kiraŭniki zamiežnych delehacyj. Heta pieršaje zasiedžańnie Vyšejšaha Jeŭrazijskaha ekanamičnaha savieta ŭ 2025 hodzie. Usiaho ŭ paradku dnia samitu kala paŭtary dziasiatka pytańniaŭ.
Jany datyčać mižnarodnaj dziejnaści, stratehičnych napramkaŭ raźvićcia jeŭrazijskaj ekanamičnaj intehracyi, libieralizacyi pasłuh u JEAES, ekanamičnaha supracoŭnictva ŭ halinie sportu, a taksama raźvićcia handlova‑ekanamičnaha ŭzajemadziejańnia z klučavymi partniorami JEAES.
Čakajecca, što pa vynikach zasiedžańnia budzie padpisana dziesiać dakumientaŭ.
Napiaredadni ŭ biełaruskaj stalicy prajšoŭ IV Jeŭrazijski ekanamičny forum, piša BiełTA.
U JEAES uvachodziać Biełaruś, Rasija, Armienija, Kazachstan, Kyrhyzstan. Krainy—naziralniki: Małdova, Uźbiekistan, Kuba i Iran.